શ્રોત: ગ્રામીણ ટુડે ન્યુઝ, ગુજરાત
સરકાર દ્વારા નવનિર્માણ થઇ રહેલ દિલ્હી-મુંબઇ ગ્રીન એક્સપ્રેસ વે વડોદરા માટે વિકાસની નવી શક્યતાઓના દ્વાર ખોલશે,
અંદાજે રૂ. ૯૮ હજાર કરોડના ખર્ચે તૈયાર થતો આ ૧,૩૮૦ કિલોમીટર લાંબો એટલે કે દિલ્હી-મુંબઈ એક્સપ્રેસ વે ભારતનો સૌથી લાંબો એક્સપ્રેસ વે તરીકે ઓળખાશે જે હાલ નિર્માણાધીન છે,
આ એક્સપ્રેસ વે દેશની રાષ્ટ્રીય રાજધાની દિલ્હી અને આર્થિક રાજધાની મુંબઈને જોડશે:
ગુજરાતમાંથી પસાર થશે ૪૨૩ કિલોમીટરના એક્સપ્રેસ વે નું રૂ. ૩૫ હજાર કરોડથી વધુના ખર્ચે નિર્માણ થઈ રહ્યું છે,
આ એક્સપ્રેસ વે ગુજરાતના વિકાસને પણ નવી ચેતના આપશે,
ગુજરાતમાં ૬૦ મોટા પુલ, ૧૭ ઇન્ટરચેન્જ, ૧૭ ફ્લાયઓવર અને ૮ આર.ઓ.બી.નું થશે નિર્માણ:
ભરૂચ નજીક નર્મદા નદી પર એક્સપ્રેસ વે પર બાંધવામાં આવતો આઈકોનિક બ્રિજ ભારતનો પ્રથમ આઠ લેન પુલ હશે
મુસાફરી માટે વિશ્વસ્તરીય સુવિધાઓ પૂરી પાડવા માટે ગુજરાતમાં ૩૩ રોડસાઇડ સુવિધાઓનું આયોજન:
નવા એક્સપ્રેસ-વે થી દિલ્હી અને મુંબઈ વચ્ચેનો મુસાફરીનો સમય લગભગ ૨૪ કલાકથી ઘટીને ૧૨ કલાક થવાની ધારણા:
૩૨૦ મિલિયન લિટરથી વધુ વાર્ષિક બળતણની બચત થશે,
૮૫૦ મિલિયન કિલોગ્રામ કાર્બન ડાયોક્સાઇડ (CO2) ઉત્સર્જનમાં ઘટાડો થશે. જે ૪૦ મિલિયન વૃક્ષો વાવવા સમાન છે.
પર્યાવરણીય સુરક્ષા માટે હાઇવે પર ૪૦ લાખથી વધુ વૃક્ષો અને ઝાડીઓ રોપવાની યોજના છે. નવનિર્માણ થઇ રહેલ દિલ્હી-મુંબઇ ગ્રીન એક્સપ્રેસ વે અંતર્ગત વડોદરા-અંકલેશ્વર ની ૧૦૦ કિમી નો વિસ્તાર બાંધકામ ના અંતિમ તબક્કામાં.
