શ્રોત: ગ્રામીણ ટુડે ન્યુઝ, 24×7 વેબ પોર્ટલ,
વાંકલ ખાતે ધારાસભ્ય શ્રી ગણપત વસાવા નાં હસ્તે વિવિધ વિકાસનાં કામો નું ખાતમુર્હુત અને લોકાર્પણ:
રૂ.૨૬ લાખના ખર્ચે બસ સ્ટેન્ડ નું લોકાર્પણ, રૂ.૫ લાખના ખર્ચે CCTV કેમેરા નું લોકાર્પણ, રૂ.૧૦ લાખના ખર્ચે નિર્માણ થનાર વાંકલ-વેરાવી રોડ નું ખાતમુર્હુત;
માંગરોળ તાલુકાનાં વાંકલ ખાતે વડાપ્રધાન શ્રી નરેન્દ્રભાઈ મોદી ના જન્મ દિવસ નિમિતે ઉજવાયલ સેવા પખવાડિયા અંતર્ગત જવાહરલાલ નવોદય વિદ્યાલય માં પ્રકૃતિના સંરક્ષણનાં ભાગરૂપે ધારાસભ્ય શ્રી ગણપત વસાવા એ વૃક્ષારોપણ કર્યું હતું. તેમજ વિવિધ વિકાસનાં કામો નું ખાતમુર્હુત તેમજ લોકાર્પણ પણ કર્યું હતું.
જેમાં વાંકલ સરકારી વિનયન અને વિજ્ઞાન કોલેજ સામે રૂ.૨૬ લાખમાં નિર્માણ કરવામાં આવેલ નવા બસ સ્ટેન્ડ સ્ટેન્ડ નું લોકાર્પણ ધારાસભ્ય શ્રી ગણપત વસાવા નાં હસ્તે કરવામાં આવ્યું હતું, ત્યાર બાદ વેરાવી ખાતે રૂ.૧૦ લાખના ખર્ચે નિર્માણ થનાર વાંકલ – વેરાવી રોડ નું ખાતમુર્હુત કરવામાં આવ્યું હતું. તેમજ વાંકલ ખાતે રૂ. ૫ લાખના ખર્ચે નિર્મિત CCTV કેમેરા નું લોકાર્પણ ધારાસભ્ય શ્રી ગણપત વસાવા નાં હસ્તે કરવામાં આવ્યું હતું.
આ કાર્યક્રમમાં ધારાસભ્ય શ્રી ગણપત વસાવા, પ્રદેશ ભાજપ આદિવાસી મોરચાના અગ્રણી હર્ષદ ચૌધરી, તાલુકા પંચાયત પ્રમુખ મનહર વસાવા, જિ.પં. સભ્ય અફઝલ ખાન પઠાણ, જિ.પં.સભ્ય દિનેશભાઈ સુરતી, માજી મહામંત્રી દીપક વસાવા, તાલુકા પંચાયત ઉપપ્રમુખ દીપક ચૌધરી, કારોબારી અધ્યક્ષ દિવ્યાબેન જાદવ, તાલુકા પંચાયત સભ્ય ડૉ.યુવરાજસિંહ સોનારીયા સહિત સરપંચશ્રીઓ તેમજ કાર્યકરો ઉપસ્થિત રહ્યા હતા.
પત્રકાર : સર્જન વસાવા બ્યુરો ચીફ
