શ્રોત : ગ્રામિણ ટુડે ન્યુઝ, નર્મદા સર્જનકુમાર
ડેડીયાપાડા ખાતે મહિલા અને બાળ કલ્યાણ અધિકારી ના નેતૃત્વ હેઠળ ઘરેલુ હિંસા અધિનિયમ -૨૦૦૫ હેઠળ કાયદાકીય માર્ગદર્શન સેમિનાર યોજાયો:
મહિલા અને બાળવિકાસ વિભાગ હેઠળ કાર્યરત જિલ્લા મહિલા અને બાળવિકાસ અધિકારીની કચેરી, નર્મદા દ્વારા ઘરેલું હિંસા અધિનિયમ ૨૦૦૫ અંતર્ગત કાયદાકીય માર્ગદર્શન સેમિનારનું દેડીયાપાડા ખાતે આયોજન કરવામાં આવ્યું હતું.
આ કાયદાકીય માર્ગદર્શન સેમિનારમાં મહિલા અને બાળ અધિકારી તેમજ પો.ઈ.દિવ્યાની બારોટ દ્વારા ઘરેલું હિંસા અધિનિયમ ૨૦૦૫ અંતર્ગત ઘરેલું હિંસા કોને કહેવામાં આવે છે? આ કાયદા હેઠળ કોણ મદદ કરી શકે? આ કાયદા હેઠળ મહિલાઓને કેવા પ્રકારની રાહત મળી શકે? મહિલા ફરિયાદ કયાં અને કેવી રીતે કરી શકે? વગેરેની જાણકારી આપવામાં આવી હતી.
આ કાર્યક્રમમાં મહિલા અને બાળ કલ્યાણ અધિકારી, પો.ઈ. દિવ્યાની બારોટ, હે.કો.મંગુભાઈ વસાવા,એડવોકેટ હરિસિંગ વસાવા,સામાજિક કાર્યકર જેરમાબેન વસાવા, નિવાલ્દા નાં સરપંચ ધર્મેન્દ્રભાઈ વસાવા તેમજ તાલુકાની અનેક મહિલાઓ ઉપસ્થિત રહી હતી.
