શ્રોત: ગ્રામીણ ટુડે ન્યુઝ, તાપી કીર્તનકુમાર
તાપી જિલ્લામાં આગામી ૩૧મી ઓક્ટોબરના રોજ સરદાર વલ્લભભાઇ પટેલની જન્મ જયંતિ નિમિત્તે ૭૫ સ્થળોએ રન ફોર યુનિટીનું આયોજન કરાયું:
વ્યારા: તાપી જિલ્લામાં “આઝાદી કા અમૃત મહોત્સવ” અંતર્ગત આગામી તા.૩૧/૧૦/૨૦૨૧ રવિવારના રોજ સરદાર વલ્લભભાઇ પટેલની જન્મ જયંતિ નિમિત્તે સામૂહિક રીતે Run For Unity/ એકતા દોડનું આયોજન જિલ્લાના ૭૫ ગામોમાં કરવામાં આવ્યું છે. આ દોડમાં સંબંધિત ગામના શાળા કન્વીનર, સહ-કન્વીનરો, ગામના યુવાનો રમતવીરો, સ્થાનિક યુવક મંડળો, માધ્યમિક-ઉચ્ચતર માધ્યમિક શાળાના વિદ્યાર્થીઓ, શિક્ષકો, સરકારી કર્મચારીઓ, મળી કુલ ૭૫ વ્યક્તિઓ દ્વારા કુલ ૪ કિ.મીનું અંતર સવારે ૭ થી ૮.૩૦ સુધી દોડનું આયોજન કરવામાં આવ્યું છે. આ ઉપરાંત જિલ્લાના તમામ ગામોમાં “મારૂ ગામ સ્વચ્છ ગામ” હેઠળ સામુહિક સફાઇ ઝુંબેશ હાથ ધરવામાં આવશે.
