શ્રોત: ગ્રામિણ ટુડે ન્યુઝ, 24X7 વેબ પોર્ટલ પત્રકાર: રામુભાઈ માહલા
ડાંગની દીકરી દિલ્હી ખાતે ‘કમલા પાવર વુમન એવોર્ડ’ થી સન્માનિત કરવામાં આવ્યા :
આહવા: ગોલ્ડન ગર્લ તરીકે દેશને એશિયન ગેમ્સમાં સ્વર્ણપદક અપાવનારી, ડાંગની દીકરી કુ.સરિતા ગાયકવાડ દિલ્હી ખાતે ‘કમલા પાવર વુમન એવોર્ડ-૨૦૨૩’ થી સન્માનિત થઈ છે.
આઠમી એશિયન ગેમ્સમાં દેશને ૪/૪૦૦ મીટર ની વિઘ્નદોડમાં સ્વર્ણપદક અપાવનારી ડાંગની આ દોડવીરને, દેશની જુદા જુદા ક્ષેત્રની પાવરફુલ ૭૫ મહિલાઓ સાથે સન્માનિત કરવામાં આવી છે.
વિશ્વ મહિલા દિવસ નિમિત્તે દિલ્હી ખાતે અંકીબાઈ ઘમંડીરામ ગોવાની ટ્રસ્ટના નિદર્શના ગોવાની દ્વારા મંગળવાર તારીખ 14 માર્ચના રોજ કમલા પાવર વુમન્સ એવોર્ડ 2023નું આયોજન કરવામાં આવ્યું હતું. જેમાં દેશમાંથી વિવિધ પ્રવૃતિઓમાં નામના મેળવનારી 75 જેટલી પ્રતિભાશાળી મહિલાઓનું સન્માન કરવામાં આવ્યું હતું જેમાં ગોલ્ડન ગર્લ તરીકે દેશને એશિયન ગેમ્સમાં સ્વર્ણપદક અપાવનારી, ડાંગની દીકરી કુ.સરિતા ગાયકવાડ દિલ્હી ખાતે આયોજિત કાર્યક્રમમાં ‘કમલા પાવર વુમન એવોર્ડ-૨૦૨૩’ થી સન્માનિત કરાયા હતા.
વિશ્વ મહિલા દિવસ ની ઉજવણી ના ઉપલક્ષમાં દિલ્હી સ્થિત ડો.આંબેડકર ઇન્ટરનેશનલ સેન્ટર, ૧૫-જનપથ ખાતે આયોજિત આ સન્માન સમારોહમાં, દેશના પ્રતિષ્ઠિત નાગરિકો, સરકારના વરિષ્ઠ મંત્રીશ્રીઓ, અધિકારીશ્રીઓ સહિત જુદા જુદા ક્ષેત્રે વિશિષ્ટ પ્રદાન કરી, દેશનું નામ રોશન કરનારી સન્નારીઓ ઉપસ્થિત રહી હતી. જેમની હાજરીમાં ડાંગની દીકરી કુ.સરિતા ગાયકવાડે આ સન્માન સ્વીકાર્યું હતું.
