શ્રોત: ગ્રામિણ ટુડે ન્યુઝ, તાપી કીર્તનકુમાર
તાપી જિલ્લામાં કુલ -૨૬૮ ગ્રામ પંચાયતોની ચૂંટણી કાર્યક્રમ:
ચૂંટણી સાથે સંકળાયેલા કર્મચારી/ અધિકારીઓની રજાઓ રદ:
વ્યારા, તાપી : રાજયની અંદાજિત ૧૦૮૭૯ ઉપરાંતની ગ્રામ પંચાયતોની સામાન્ય/વિભાજન/મધ્યમસત્ર/પેટા પ્રસંગોપાત ખાલી પડેલ બેઠકો માટે ચૂંટણી યોજવાની જાહેરાત તા.૨૨-૧૧-૨૦૨૧ના રોજ કરવામાં આવી છે. જે અન્વ્યે તાપી જિલ્લામાં ગ્રામ પંચાયતોની સામાન્ય/વિભાજન/મધ્યસત્ર/પેટા ચૂંટણી માટેનો કાર્યક્રમ આ મુજબ છે:
1. ચૂંટણીની નોટીસો/જાહેરનામાં પ્રસિધ્ધ કરવાની તા.૨૯-૧૧-૨૦૨૧
2. ઉમેદવારી પત્રો ભરવાની છેલ્લી તા.૦૪-૧૨-૨૦૨૧
3. ઉમેદવારી પત્રો ચકાસણી કરવાની છેલ્લી તા.૦૬-૧૨-૨૦૨૧
4. ઉમેદવારી પત્રો પરત ખેંચવાની છેલ્લી તા.૦૭-૧૨-૨૦૨૧
5. મતદાનની તારીખ તથા સમય ૧૯-૧૨-૨૦૨૧ (રવિવાર) સવારના ૭-૦૦ વાગ્યા થી સાંજના ૬-૦૦ વાગ્યા સુધી
6. પુનઃ મતદાનની તારીખ (જરૂરી જણાય તો) તા.૨૦-૧૨-૨૦૨૧
7. મતગણતરીની તા.૨૧-૧૨-૨૦૨૧
8. ચૂંટણી પ્રક્રિયા પૂરી થવાની તા.૨૪-૧૨-૨૦૨૧
આ ઉપરાંત જિલ્લામાં ચૂટંણી હેઠળના વિસ્તારોમાં તાકીદના તબીબી કારણો સિવાય તેમની હેઠળના ચૂંટણી સાથે સંકળાયેલા કર્મચારી/ અધિકારીઓની રજાઓ રદ કરી જરૂરી કાર્યવાહી કરવા નોડલ અધિકારી સ્થાનિક સ્વરાજ સંસ્થાઓની ચૂંટણી અને નિવાસી અધિક કલેક્ટર તાપીની અખબારી યાદીમાં જણાવાયું છે.
