શ્રોત : ગ્રામિણ ટુડે ન્યુઝ, તાપી કીર્તનકુમાર
તાપી જીલ્લા આર.ટી.ઓ કચેરીમાં જનતાને ગેરમાર્ગે દોરનાર અનઅધિકૃત વ્યક્તિઓના પ્રવેશ પર પ્રતિબંધ ફરમાવવામાં આવ્યો,
સરકાર હાલ ડિજિટલ ઇન્ડિયા અંતર્ગત દરેક કચેરીઓ હાઇટેક અને આધુનિક ઉપકરણ નો ઉપયોગ કરી અત્યાધુનિક બનાવી રહી છે, હાલ પેપર લેસ અને ઝડપી કામોના નિકાલ માટે કચેરીઓને ડિજિટલ સ્વરૂપ આપી રહયા છે, તેવાં સંજોગોમાં આર ટી ઓ કચેરી પર અત્યારે પણ જાણકારીના અભાવે લોકો લે ભાગુ અને રોકડી કરતાં વચેટિયાઓ પાસે કામ કરાવવા આંટા ફેરા મારી ને લૂંટાઈ રહયા છે, ત્યારે તાપી જીલ્લા RTO કચેરીમા અનઅધિકૃત વચેટીયા તરીકે કામ કરવા ઈરાદો રાખતા આવા વ્યક્તિઓના પ્રવેશ પર અધિક જિલ્લા મેજીસ્ટ્રેટ આર.જે.વલવીએ જાહેરનામુ બહાર પાડી પ્રતિબંધ ફરમાવ્યો છે.
વ્યારા: તાપી જિલ્લાના કાર્યક્ષેત્ર હેઠળના વિસ્તારમાં આવેલ સહાયક પ્રાદેશિક વાહન વ્યવહાર અધિકારીની કચેરી, વ્યારા ખાતે દરરોજ મોટા પ્રમાણમાં જાહેર જનતા પોતાના સરકારી કામ માટે આવેલા હોય અથવા કામ કરતા હોય તેવા અથવા વ્યાજબી કામ સબબ આવેલા હોય તે સિવાયના અનઅધિકૃત વ્યક્તિઓ, કે વ્યક્તિઓની ટોળી આ કચેરીમાં આવતી જાહેર જનતા, અરજદારોને ગેરમાર્ગે દોરી કામ કરાવવા કે લલચાવીને કે ગેરમાર્ગે દોરીને વચેટીયા તરીકે કામ કરાવી આપવાનું જણાવતા અનઅધિકૃત વચેટીયા તરીકે કામ કરવા ઈરાદો રાખતા આવા વ્યક્તિઓના પ્રવેશ પર અધિક જિલ્લા મેજીસ્ટ્રેટ આર.જે.વલવીએ જાહેરનામુ બહાર પાડી પ્રતિબંધ ફરમાવ્યો છે. આ જાહેરનામાનો અમલ તા. ૨૫/૧૧/૨૦૨૧ સુધી રહેશે. આ જાહેરનામાનો ભંગ કરનાર અથવા ઉલ્લંધન કરનારા વ્યક્તિઓ શિક્ષાને પાત્ર થશે.
