શ્રોત : ગ્રામીણ ટુડે ન્યુઝ, તાપી કીર્તનકુમાર
જિલ્લા/તાલુકા પંચાયત ચૂંટણી દરમિયાન કોઇપણ પ્રાર્થના સ્થળની ચૂંટણી પ્રચાર માટે ઉપયોગ કરી શકાશે નહિં:
વ્યારા-તાપી: આગામી તા.૦૩-૧૦-૨૦૨૧ના રોજ યોજાનાર જિલ્લા/તાલુકા પંચાયતની પ્રસંગોપાત ખાલી બેઠકોની ચૂંટણીની આદર્શ આચારસંહિતા મુજબ ચૂંટણી દરમિયાન તાપી જિલ્લામાં કાયદો અને વ્યવસ્થા જળવાઇ રહે તથા મુકત અને ન્યાયી વાતાવરણમાં ચૂંટણી થાય તેમજ ચૂંટણી પ્રક્રિયા દરમિયાન લોકોની સલામતિ જળવાઇ તે માટે તાપી અધિક જિલ્લા મેજીસ્ટ્રેટ આર.જે.વલવીએ જાહેરનામું બહાર પાડી કેટલાક નિયંત્રણો મુકયા છે.
જે અનુસાર ચૂંટણી પ્રક્રિયા દરમિયાન કોઇ ઉમેદવારે તથા તેમના કાર્યકરો, સમર્થકોએ ભાષણો, પોસ્ટરો, સંગીત વગેરે સહિત મંદિરો, મસ્જીદો, ચર્ચ, ગુરૂદ્વારા અથવા કોઇ પણ પ્રકારના પ્રાર્થના સ્થળોનો ચૂંટણી પ્રચાર માટે ઉપયોગ કરવા પર પ્રતિબંધ ફરમાવ્યો છે. આ હુકમ તાત્કાલિક અસરથી તા.૦૬-૧૦-૨૦૨૧ સુધી સમગ્ર તાપી જિલ્લા હસ્તકના સમગ્ર વિસ્તારમાં અમલમાં રહેશે. આ હુકમનો ભંગ કરનાર શિક્ષાને પાત્ર થશે.
સ્થાનિક સ્વરાજની ચુંટણીને લઈ તંત્રનાં મહત્વના ઠરાવ: આચારસંહિતાં નો અમલ કરવો ફરજીયાત:
👉 ચૂંટણી દરમિયાન પરવાનગી વગર જાહેર કે ખાનગી મિલકતોનો ઉપયોગ કરી શકાશે નહિં;
વ્યારા-તાપી: આગામી તા.૦૩-૧૦-૨૦૨૧ના રોજ યોજાનાર જિલ્લા/તાલુકા પંચાયતની પ્રસંગોપાત ખાલી બેઠકોની ચૂંટણીની આદર્શ આચારસંહિતા મુજબ ચૂંટણી દરમિયાન તાપી જિલ્લામાં કાયદો અને વ્યવસ્થા જળવાઇ રહે તથા મુકત અને ન્યાયી વાતાવરણમાં ચૂંટણી થાય તેમજ ચૂંટણી પ્રક્રિયા દરમિયાન લોકોની સલામતિ જળવાઇ તે માટે તાપી અધિક જિલ્લા મેજીસ્ટ્રેટ આર.જે.વલવીએ જાહેરનામું બહાર પાડી જાહેર અને ખાનગી મિલ્કતોનો પરવાનગી વગર ઉપયોગ નહિં કરવા તાકીદ કરી છે.
આચારસંહિતા મુજબ ચૂંટણી સમયે રાજકીય પક્ષો, ઉમેદવારો, કાર્યકરો કે સમર્થકો દ્વારા ધ્વજ, આધારદંડ, બેનર, પોસ્ટર, નોટીસ લગાવવા, સૂત્રો લખવા, જાહેર મકાન, દિવાલ, હાઇ-વે અથવા બે માર્ગો ક્રોસ થતા હોય તેવા દિશાસૂચક સાઇનબોર્ડ, હાઇ-વે પરના માઇલ સ્ટોન, રેલ્વે ક્રોસિંગ પાસે ચેતવણીના બોર્ડ, રેલ્વે-બસ સ્ટેશન પ્લેટફોર્મના નામ, વોર્ડ, અગર જનતાની સગવડ માટે પ્રદર્શિત કરેલ કોઇ નોટીસ બોર્ડ વિગેરે જાહેર અથવા ખાનગી મિલ્કતોનો પરવાનગી સિવાય માલ મિલ્કતોનો ઉપયોગ કરી બગાડ નહિં કરવા માટે તાકીદ કરી છે. આ હુકમ તા. ૦૬-૧૦-૨૦૨૧ સુધી અમલમાં રહેશે. આ હુકમનો ભંગ કરનાર સજાને પાત્ર થશે.
