ડાંગમાં હવામાન ફેરફારની આગાહી, ખેડૂતો માટે મહત્વપૂર્ણ સૂચના:

શ્રોત: ગ્રામિણ ટુડે ન્યુઝ, ૨૪x૭ વેબ પોર્ટલ

ડાંગમાં હવામાન ફેરફારની આગાહી, ખેડૂતો માટે મહત્વપૂર્ણ સૂચના:

હળવા વરસાદની આગાહીથી ડાંગના ખેડૂતોને સાવચેત રહેવાની સલાહ:

દિનકર બંગાળ, વઘઈ: ડાંગ જિલ્લામાં હવામાનમાં અચાનક ફેરફારની શક્યતાઓને પગલે ખેડૂતો માટે ચેતવણી જાહેર કરવામાં આવી છે. ભારત મૌસમ વિભાગ અને નવસારી કૃષિ યુનિવર્સિટી દ્વારા જાહેર કરાયેલી તાજેતરની આગાહી મુજબ, જિલ્લામાં ૨૦ અને ૨૧ માર્ચ દરમિયાન હળવા વરસાદ વરસવાની શક્યતા વ્યક્ત કરવામાં આવી છે.

આ પરિસ્થિતિને ધ્યાનમાં રાખીને કૃષિ વિજ્ઞાન કેન્દ્ર, વઘઈના નિષ્ણાતોએ ખેડૂતોને આગોતરી સાવચેતી રાખવા અનુરોધ કર્યો છે. ખાસ કરીને જેમના પાક હાલ કાપણી માટે તૈયાર છે તેવા ખેડૂતો માટે આ સમયગાળો અત્યંત મહત્વપૂર્ણ માનવામાં આવે છે. વરસાદ પહેલાં યોગ્ય આયોજન કરીને પાકને નુકસાનથી બચાવવા માટે તાત્કાલિક પગલાં લેવાની જરૂરિયાત ઉપર ભાર મુકવામાં આવ્યો છે.

અધિકારીઓએ જણાવ્યું છે કે સમયસર લેવાયેલા સાવચેતીના પગલાં ખેડૂતોને આર્થિક નુકસાનથી બચાવી શકે છે. ખેડૂતોને પાકને ઢાંકવા, યોગ્ય રીતે સંગ્રહ કરવા તથા ખેતરમાં પાણી ભરાવા ન દેવા માટે જરૂરી વ્યવસ્થાઓ કરવા સલાહ આપવામાં આવી છે.

આ સાથે, કૃષિ વિભાગે ખેડૂતોને સ્થાનિક હવામાન અપડેટ પર સતત નજર રાખવા અને જરૂરી માર્ગદર્શન માટે કૃષિ નિષ્ણાતો સાથે સંપર્કમાં રહેવા પણ સૂચન કર્યું છે, જેથી કોઈપણ પરિસ્થિતિનો યોગ્ય રીતે સામનો કરી શકાય.