શ્રોત : ગ્રામિણ ટુડે ન્યુઝ, નર્મદા સર્જનકુમાર
નર્મદાના ડેડીયાપાડા તાલુકાના શેરવાઈ ખાતેથી વનસ્પતિજન્ય સુકા ગાંજા સાથે એકને ઝડપી પાડતી એસ.ઓ.જી.નર્મદા:
નર્મદાના ડેડીયાપાડા તાલુકાના શેરવાઈ ખાતેથી વનસ્પતિજન્ય સુકા ગાંજા સાથે એસ.ઓ.જી. નર્મદાએ એકને ઝડપી પાડી કાયદેસરની કાર્યવાહી હાથ ધરી છે.
નર્મદા જિલ્લામાં ગેર કાયદેસર પ્રવૃતી કરતા ઈસમોને પકડી પાડવા પરીણામલક્ષી કામગીરીની સુચના અને માર્ગદર્શન આધારે કે ડી. જાટ પોલીસ ઇન્સ્પેક્ટર તથા એસ.ઑ.જી. સ્ટાફના માણસોએ બાતમી આધારે ચૈતરીયાભાઇ ઉર્ફે પેકા પાંચીયાભાઇ વસાવા રહે. શેરવાઈ તા.ડેડીયાપાડા જી.નર્મદાને પોતાના કબજા ભોગવટા ના રહેણાંક ઘરમાંથી વેચાણ કરવા માટે રાખેલ વનસ્પતીજન્ય માદક પદાર્થ ગાંજો ૧.૧૭૦ કિલોગ્રામ કિંમત રૂ.૧૧,૭૦૦/- ના મુદામાલ સાથે ઝડપી પાડી તથા ગાજો આપનાર સુભાષભાઈ રહે. ચંદવાડા ,ધડગાવ નજીક મહારાષ્ટ્ર નાઓને વોન્ટેડ જાહેર કરી ડેડીયાપાડા પોલીસ સ્ટેશનમાં એન.ડી.પી.એસ એક્ટ મુજબનો ગુનો રજીસ્ટર કરાવી કાયદેસર કાર્યવાહી કરાઈ છે.